Jesu uppreisn

Beint fyri jól kom  triðja útgáva hjá Forlagnum Vøkstri, forlag hjá fólkakirkjuni.

Bóklingurin ber heitið Jesu uppreisn, og høvundurin er Eiðisprestur Jónhard Jógvansson.

Bóklingurin viðgerð, sum heitið sigur, Jesu uppreisn, og her ber høvundurin okkum væl inn í henda týdningarmikla spurning, um Jesu veruliga reis upp likamliga ella ikki. Gjøgnum tekstin verður spurningurin svaraður, bæði út frá Bíbliuni og við tilvísing til ymsar keldur, ið hava viðgjørt hetta evnið ígjøgnum øldirnar, síðani hendingin fór fram fyri 2000 árum síðani.

Høvundurin knýtir seg til gomlu munnligu játtanina, sum Paulus hevur í einum av teimum elstu brøvunum í Nýggja testamenti. Jesus doyði fyri okkara syndir, hann varð gravlagdur, hann reis upp, og hann varð sæddur.

Uppreisnin merkir, at vit hava eina vón, sum heldur bæði í lívi og deyða. Hetta er gott at minnast, bæði á páskum og allar ársins dagar!

Bóklingurin fæst  í bókabúðunum og verður umsitin av Bókamiðsøluni.

Kostnaðurin er 145,- kr.