Stuðul

Føroya Stiftsstjórn hevur heimild at lata fíggjarligan stuðul til endamál sum á einhvønn hátt fremja kirkjuliga lívið í Føroyum.

Stuðul

• Stuðul kann latast til endamál, sum fremja kirkjuliga lívið her í landinum, og sum hava týdning fyri kirkjuna sum heild.
• Stuðul kann latast til útbúgving, sum kann lyfta kirkjulívið fakliga.
• Stuðul kann latast til skeiðsvirksemi, sum kann lyfta kirkjulívið fakliga.
• Stuðul kann í ávísum føri lastast til endamál sum fremur kirkjuliga lívið millum føroyingar búsitandi uttanlands.

Avmarkingar
Stuðul verður ikki latin til:

• Uttanlandsferðir
• Politisk endamál

Føroya Stiftsstjórn tilskilar sær rættindi at gera undantøk frá hesum reglum, um mett verður neyðugt.

Umsóknin
Umsóknin skal lýsa umstøðurnar, sum søkt verður stuðul til, og hvussu endamálið fremur kirkjuliga lívið í Føroyum ella millum føroyingar uttanlands. Fíggjarligur leistur skal fyriliggja.

Til ber at søkja Føroya Stiftsstjórn um fíggjarligan stuðul við at senda umsóknina til stift@folkakirkjan.fo

Viðgerð av umsóknum
Umsóknir verða viðgjørdar á fundi hjá Føroya Stiftsstjórn 4 ferðir árliga:
mars, juni, september, desember.