Tom Vilhelm
Eftir Jústinus Leivsson Eidesgaard
Páll Vilhelm hevur verið avloysaradeknur í Vágs kirkju av og á síðan 1986. Hann er føddur 6 apríl 1950.
-Eg havi altíð gingið í kirkju og verið ein partur av kirkjulívinum. Tað hevur altíð verið samband millum okkara hús teg tey hjá Páll á Nesi og tað var hann, sum bað meg um at vera avloysaradeknur. Eg var fastur avloysaradeknur frá 1986-1994. Eg fór av landinum, fór at læra til politist, og tá eg hevði fingið útbúgvingina, var eg fyrst fimm ár politistur í Klaksvík. Síðan fór eg at arbeiða sum politistur í Danmark og síðan í Grønlandi, sigur Tom Vilhelm.
-Eg kom at vera 25 ár í Grønlandi, tað var ein góð tíð. Konan er úr Nanortalik, vit eiga ein son, sum er 42 ára gamal og eina dóttir, sum er 38 ára gomul og vit eiga fýra barnabørn. Bæði børnini búgva í Norðurjútlandi, sigur hann. Samrøðan er gjørd í 2018.
-Eg treivst í Grønlandi, tey fyrstu árini sum løgreglumaður og tey seinnu árini sum maskinførari. Eg var í 12 ár í Thule.
-Mín leiklutur í kirkjulívinum er nakað, sum eg havi fingið inn við móðurmjólkini og mær dámar væl at vera deknur og at fyrireika meg til lestrarnar, mær dámar væl at lesa fyri fólki, sigur hann.
"Viðmerkingar kunnu sendast til Jústinus Leivsson Eidesgaard á tel. 22 31 43 ella í T-posti: justinus(at)olivant.fo".