Viðareiðis kirkja
- nov24Viðareiðis kirkjaViðareiðis kirkja, kl. 12.10, Gudstænasta
Jónsvein Bech - des1Viðareiðis kirkjaViðareiðis kirkja, kl. 12.10, Familjugudstænasta
Jóannes Purkhús - des1Konsert við Flytifólk í Viðareiðis kirkjuViðareiðis kirkja, kl. 16.00, Konsertir
- des11Vit syngja jólini inn í Viðareiðis kirkjuViðareiðis kirkja, kl. 20.00, Vit syngja jólini inn
Jóannes Purkhús
20. november 1892 varð nýbygda kirkjan á Viðareiði sýnað og góðkend av J. Heinesen og S. Fr. Jacobsen.
Seinni sama dag varð kirkjan vígd av J. C. Evensen, prósti. Í góðveðrinum var nógv bygdafólk komin saman, og gingu tey hátíðarliga skrúðgongu úr gomlu kirkjuni (frá 1831) í ta nýggju, saman við gestum úr norðoyggjum. Við sær høvdu tey altargripir og aðrar kirkjulutir.
Í stuttari lýsing (1891) av kirkjuni: grótlaða kirkja, 28 alin long og 12 alin breið, við skifurtaki og jarnvindeygum, var byggingin mett at kosta smáar 9000,- krónur. Jóhan Andr. Petersen, tinglimur úr Mikladali, átók sær at gera høvuðsarbeiði fyri 8000,-. Onnur smáarbeiði komu aftrat, men kostnaðarmetingin helt.
Í Viðareiðis kirkju finnist gripur, sum telist millum elstu kirkjugripir í Føroyum. Tað er ein krossmynd frá 1551, sum hongur á norðurvegginum í kirkjuni. Hana hevur Thomas Koppen úr Hamburg, sum fekk einkarætt til handils uppá Føroyar í 1533, givið.
Síðan kirkjan varð bygd, er sum vituligt nógv viðlíkahald og nógvar broytingar farnar fram. M.a. er tekjan skift 4 ferð og stoypijarnsvindeyguni eru skift út við trævindeygu.
[KELDA: J. P. Gregoriussen, Yngru Hválvkirkjurnar]
Egin kirkjusókn.
Kirkjuráðið
