Útiguðstænasta.

2. Hvítusunnudag skipa prestarnir í Havnini fyri eini útiguðstænastu. Guðstænastan verður á ovara vølli í Gundadali 20. Mai klokkan 11. Nógv spennandi verður á skránni. Havnar hornorkestur og GHM fara at spæla undir sálmasanginum.

Vit fara at syngja bæði sálmar og sunnudagsskúlasangir. Gentukórið í Meinigheitshúsinum kemur at syngja fyri okkum. Eftir guðstænastuna verður drekkamunnur og okkurt gott til børnini.