Trúgv og samfelag: Fosturtøka og lóggáva

Tá tað um fosturtøku ræður, verður aloftast rópt úr skotgravunum, og fá – um nakar – hoyrir nakað. Svarini tykjast skjóttsøgd, frágreiðingarnar fáar og valla slepst niður í dýpd.

Trúgv og samfelag er tiltak har tíð er at tosa. Í hesum føri um fosturtøku og lóggávu.

Háskúlin í Nesvík spyr tí: Hvat sigur gynokologurin um fosturtøku? Hvat sigur presturin? Og fosturtøkulógin, er hon ein avoldað sak, sum eigur at verða dagførd?

Um ja, hvussu? Um nei, hví ikki?

Diana Reynstind og Jonhard Jógvansson hava hvør sín stutta fyrilestur, og aftaná kaffi verður politikst orðaskifti millum Bill Justinussen, Sirið Stenberg og Una Rasmussen. 

Tiltakið er ókeypis, tó er gott um tú meldar teg til her, so fyrireikarnir vita áleið hvussu nógv fólk koma.