Stór barnakórkoncert í Christianskirkjuni

Leygardagin, 24. september, verður ein stór barnakórkoncert í Christianskirkjuni kl. 18.00.
Tað er barnakórið "Gla´vox" úr Skien úr Norra, og tey eru 22 børn/ung í aldrinum 11 - 14 ár, ið kemur á vitjan.
Gla´vox byrjaði í 1990 og hevur síðani tá givið ikki minni enn 9 fløgur út. Børnini eru sjálvandi ikki tey somu sum fyri 26 árum síðani, men kórleiðari er framvegis Odd Jakobsen, urguleikari í Skien kirkju.
Gla´vox var í Føroyum fyri 12 árum síðani og høvdu tá konsert fleiri staðir í Føroyum, saman við fleiri føroyskum barnakórum, og soleiðis verður eisini hesaferð - umframt at framføra sjálvi, koma onnur barnakór úr Føroyum eisini at framføra saman við teimum.
Møguleiki verður at geva eina gávu, sum fer til at fíggja útreiðslunar av túrinum til Føroyar.
LEYGARDAGIN, 24. SEPTEMBER KL. 18.00 Í CHRISTIANSKIRKJUNI - STÓR BARNAKÓRKONSERT - .