Prestur eystan Múla

Á felags kirkjuráðsfundi í gjár innstillaðu kirkjuráðini einmælt Mariu Jørðdal Niclasen til kallið sum sóknarprestur. Tá innstillingin er einmælt, ásetur lógin, at avgerðin hjá kirkjuráðunum skal verða fylgd. Tað er tó landsstýrismaðurin í kirkjumálum, ið staðfestir innstillingina, tá formligu viðurskiftini eru greidd.

Maria Jørðdal Niclasen verður prestvígd í Dómkirkjuni sunnudagin 27. januar 2013.

Sunnudagin eina viku seinri verður hon skipað í kallið sum sóknarprestur eystan Múla við gudstænastu í Viðareiðis kirkju. Tað er dómprósturin, ið skipar komandi prestin í kallið.

JF