Nýtt lagsavn

Føroyskt Kirkjumál hevur givið út nýtt lagsavn til Sálmabók Føroya Kirkju við lættari útseting.

Jens Mortan Mortensen, sóknarprestur, hevur lagt lagsavnið til rættis.

Í formælinum verður m.a. sagt, “at lagsavnið er ætlað til byrjanarfrálæruna í sálmaspæli. Spælast kann bæði á klaver og á urgu. Í bókini eru lættar útsetingar av 44 kendum sálmaløgum.”

Lagsavnið er 47 bls., og kostar kr. 250,-.  Lagsavnið fæst til keyps í bókabúðunum.