Nýggj bíbliuorðabók

Út er komin nýggj bíbliuorðabók, sum Jóhannes Haraldsen (1931-1994) í Sandavági hevur skrivað. Bíbliuorðabókin er 929 blaðsíður. Í bókini eru 82.873 leitorð og tilvísingar. Bíbliuorðabókin verður løgd fram á hátíðarløtu í Sandavágs kirkju mánakvøldið 10. desember kl.19.00.


Ungur fór Jóhannes Haraldsen at skriva handrit til stóra bíbliuorðabók. Hann skrivaði alt handritið við hond uml. 1500 blaðsíður. Í arbeiðinum við bíbliuorðabókini brúkti hann Bíbliuna í týðing eftir J. Dahl og K.O. Viderø.


Eftir hátíðarløtuna í Sandavágs kirkju er høvi at keypa Bíbliuorðabókina í SÍF húsinum. Bíbliuorðabókin kostar 400,- kr, men útgávudagin er kostnaðurin 300,- kr.


Føroyskt Kirkjumál hevur givið bókina út.