Marna Olsen hevur tænt kirkjuni væl

Marna Olsen hevur arbeitt á skrivstovuni hjá dómpróstinum og hjá Stiftinum í 17 ár. 1. juli fór Marna úr starvinum við eftirløn.

Vit eru sera takksom fyri tíðina, Marna hevur tænt føroysku fólkakirkjuni. Marna hevur sum fáur havt stóra vitan og gott innlit í øll kirkjulig viðurskifti, og hevur verið holl og góð í ráðum á skrivstovuni hjá dómpróstinum og sum skrivari í próstadømisráðnum. Marna hevur dugað sera væl at samskifta við kirkjuráðini og aðrar myndugleikar.

Vit takka Marnu Olsen hjartaliga fyri tíðina, hon hevur starvast í fyrisitingini hjá fólkakirkjuni, og ynskja henni góðan byr.

un