Kvirra – nýggj bók!

Í dag er komin nýggj bók út – Kvirra – eftir Meinhardi Bjartalíð sóknarpresti.

Um hugskotið til bókina sigur Meinhard Bjartalíð m.a. í formælinum í bókini:

”Hugskotið er sprottið úr tiltakinum “List og kvirra” í Glyvra kirkju.

Í sambandi við við listaframsýningar, sum javnan eru í kirkjuni, hava fólk havt høvi at njóta kvirruna og at kveikja ljós í ljósglobuni. Eisini hevur ein faldari við væl mæltum orðum verið gjørdur, sum tey vitjandi kunnu lesa úr og grunda yvir í kvirruni. Hesin faldari er vaksin í vavi, sum árini eru liðin. Nú var tíðin búgvin at geva út bók, so tey væl mæltu orðini koma øllum til góðar.”

Listafólkini Anker Eli Mortensen, Edwardi Fuglø, Jóna Rasmussen og Ingi Joensen hava myndprýtt bókina.

Kvirra er 207 bls.

Føroyskt Kirkjumál hevur givið bókina út. Bókin kostar kr. 145,- og fæst til keyps í bókabúðunum.