Skriva út
KONSERT Í CHRISTIANSKIRKJUNI
10.08.2016 Tíðindi
" Fríggjakvøldið, 12. august, verður konsert í Christianskirkjuni kl. 19.30 v/Helsinki Strings.
Í orkestrinum eru næmingar sum ganga á East Helsinki Music Institute og á Sibelius Academiinum. Tey eru um 50 í tali og millum 10 og 20 ára gomul. Orkestri varð stovnað í 1972 av dirigentunum Csaba and Géza Szilvay, sum báðir góvust í 2010. Síðan var okestrið dirigera av Pirkko Simojoki í 2010 – 2011, eftir hetta hevur Jukka Rantamäki staðið fyri hesum.
The Helsinki Strings hava útgivið 40 fløgur ígjøgnum Finlandia Records og Warner Classics. Orkestri hevur eisini luttikið í nógvum sjónvarpssendingum, nevnast kann "Minifiddlers in Musicland", ið varð send í 70´unum og 80´unum, sum tá setti nýtt støði inn í útbúgving av tónleikarum í Finnlandi.
Ein stórur partur av nýtíðar professionellum tónleikarum í Finnlandi, solistar, dirigentar o.o,, hava spælt við í Helsinki Strings, og fleiri teirra hava eisini fingið altjóða heiður.
FRÍGGJAKVØLDIÐ 12.08.2016 KL. 19.30 - VÆLKOMIN Á EINA ÁHUGAVERDA KONSERT - ."
Onnur tíðindi