Kirkju og ungdómskórið

Nú heystið er komið, og dagarnir gerast styttri , byrja tey ymisku tiltøkini og venjingarnar aftur. Kirkju- og ungdómskórið í Christianskirkjuni er farið undir aftur sangvenjingarnar. Vant verður hvørt týskvøld kl. 20.00. Kórið er ætlað ungum sum eldri.Nýggir sangarar eru vælkomnir. Nú leygardagin hevur kórið sett av sum venjingardag. Byrjað verður klokkan 09.00. Gestakórleiðari henda dagin verður Leif Hansen, og fer hann eisini at stjórna kórinum til gudstænastuna sunnudagin kl. 11.00 har Hanus á Gørðum prædikar.