IKTYS

04. mai 2018 kl. 11.00 letur IKTYS upp í nýggjum hølumí Gríms Kambansgøtu 3 (áður KALLKYN) í Vágsbotni.

IKTYS er einasti endurnýtsluhandil hjá Neyðhjálp Fólkakirkjunnar her á landi.
Vit hava verið glað fyri at hildið til í gomlu køkubúðini í N.Winthersgøtu, men nú trongdu vit til rúmligari hølir.

Í IKTYS starvast nakrar og tríati óløntar konur ein dag um vikuna, summar aðruhvørja viku - við at sortera, prísmerkja og hanga rein og nýstrokin klæðir út í handilin og hava hann opnan 11.00 – 17.30 mánadag til fríggjadag, leygardag 11.00- 14.00.

Tað hevur eydnast okkum at senda góðar 200.000 kr. um árið til tey ringast støddu í heiminum.

Vit í IKTYS takka hjartaliga øllum gevarum og keyparum og vóna at tit framvegis fara at koma á gátt. Samstundis takka við hjartaliga øllum fyritøkum og handlum, sum so ella so hava stuðlað og stuðla handlinum.

Kontaktpersónur í Føroyum er Marjun Bæk, marbaek@gmail.com, tlf 283448
04. mai 2018 kl. 11.00 lata við upp í Vágsbotni.

Biskupur fer at siga nøkur orð, og vit gleða okkum at bjóða øllum hjartaliga vælkomnum við køkum, kaffi, te og saft!