Hoyvíkar kirkja

Mikukvøldið 28. september kl. 19.30 verður aftur Miðvika í Hoyvíkar kirkju, og tá fer Anfinnur Johansen frá Føroyamálsdeildini at halda fyrilestur um "Føroyskar uppkallingarsiðir". Hetta er partur av Vísindavøku á ferð 2016. Eftir framløguna hjá Anfinni, verður kaffi og tá hava fólk eisini høvi at seta spurningar ella viðmerkja.

Um innihaldið í sínum fyrilestri, sigur Anfinnur Johansen sjálvur soleiðis:
"Greitt verður frá ymiskum uppkallingarsiðum frá elstum tíðum og til okkara dagar. Tað er ættaruppkalling, uppkalling eftir álmanakkadøgum, síðan tann serføroyski uppkallingarsiðurin at kalla fríggjadag og sunnudag upp, uppkalling eftir hátíðum, og síðan tann sjáldsami siðurin at kalla kong og drotning upp, umframt onkran annan uppkallingarsið."