Heimsins bestu tíðindi! – Um kristindómin í miðlunum og um at miðla kristindómin.

Hetta er heitið á fyrilestri, sum aðalskrivarin í danska Bíbliufelagnum, Morten Thomsen Højsgaard fer at halda á aðalfundinum hjá Kristiligt Lurtara- og Hyggjarafelag, KLH, sum verður í Meinigheitshúsinum í Havn Krists himmalsferðardag kl.15.00.

Morten Thomsen Højsgaard hevur áður arbeitt sum journalistur á danska blaðnum Kristeligt Dagblad. Hann hevur eisini starvast í danska sjónvarpinum og lagt til rættis sendingar um trúarmál.

Í sambandi við aðalfundin hjá KLH, verður eisini alment sangmøti kl.19.00 í Meinigheitshúsinum. Hesi fara at syngja og spæla: Oasubrøðurnir, Manskórið í Rituvík, Terji og Hanna úr Kollafirði og Manskórið í Sandoynni.

Talarar vera Morten Thomsen Højsgaard, Signar á Reynatrøð og Uni Næs.