Hanus Pál Jógvansson byrjaður í prestatænastuni

Hanus Pál Jógvansson er nú byrjaður í kallinum Suðuroyar norðara prestagjaldi.

Sunnudagin 18. juni var hátíðardagur í Hvalba. Dómpróstur Uni Næs skipaði Hanus Pál í embætið undir gudstænastuni í Hvalbiar kirkju. Les innsetingartaluna her. 
Kirkjan var fullsett, og Sumbiarkórið setti serligan dám á løtuni við vøkrum sangi.

Eftir gudstænastuna var borðhald fyri innbodnum. Seinnapartin var opið hús í Leirum, har nógv fólk nýttu høvi at heilsa uppá nýggja sóknarprestin í hugnaliga prestagarðinum.

Í Suðuroyar norðara prestagjaldi eru tveir sóknarprestar við bústaði á Tvøroyri og í Hvalba.

Frá vinstru: Patrick Conway de Neergaard,sóknarprestur, Jógvan Fríðriksson, biskupur, Hanus Pál Jógvansson, sóknarprestur, Uni Næs, dómpróstur og Jónsvein Bech, sóknarpestur.

Sí fleiri myndir á okkara facebook síðu okkara her.