Gøtu Kirkja 20 ár

Hósdagin 25. juni eru 20 ár liðin, síðani snotiliga Gøtu kirkja varð vígd av Hans Jacob Joensen, biskupi.

Hetta verður hátíðarhildið, við at Gøtufólk og áhugaði annars verða boðin til ymisk tiltøk í og kring kirkjuna og kirkjuliðið við Gøtu kirkju.

Hósdagin 25. juni
20-ára dagin fyri vígsluna verður boðið til máltíð í kirkjuni frá kl. 17.00. Borðreitt verður við pitabreyði og sunnum tilhoyri. Okkurt undirhaldið verður til børnini uttanfyri.

Kl. 19.00 er stutt gudstænasta á skránni. Sunnudagsskúlabørnini syngja. Ovi Brim prædikar. Boðið verður til kaffi og lagkøku eftir gudstænastuna.

Leygardagin 27. juni
Kl. 15.00. Gøtu kirkju ungdómskór hevur konsert í gjónni norðuri við Gjógv.

Kl. 17.00. Haukenland Songlaug hevur konsert í Gøtu Kirkju.

Sunnudagin 28. Juni
Kl. 11.00. Gudstænasta.

Kl. 19.00. T.O.S. og Gøtu kirkju ungdómskór hava konsert í Gøtu kirkju. T.O.S. og kórið framføra hvør sína skrá, men enda við einum felagslagi. Boðið verður til drekka eftir konsertina.

Vit ynskja hvør øðrum tillukku og Guds signing.

Væl møtt.

Kirkjuráðið