Føroyska Bíbliufelagið vitjar á Argjum!

Sunnudagin 24. februar kl. 11 vitjar Føroyska Bíbliufelagið á guðstænastuni í Argja kirkju. Derhard Jógvansson hevur guðstænastuna og næstformaðurin í Føroyska Bìbliufelagnum Dánial á Dul Jacobsen fer at prædika. Eisini hevur Gunnar K. Nattestad, aðalskrivari eina framløgu um Bíbliufelagið.

Aftaná døgurða hevur stýrið hjá Bíbliufelagnum stýrisfund í kirkjuni.

Føroyska Bíbliufelagið er ein felagskirkjuligur felagskapur og er tí javnan á vitjan hjá ymiskum kirkjum og samkomum. Seinastu ferðirnar hevur verið vitja í katólsku kirkjuni og Adventistakirkjuni, og næstu ferðirnar verður vitja á møti hjá Frelsunarherinum 31. mars og til felagsguðstænastu í ítróttarhøllini á Sandoy Kristihimmalsferðardag 30. mai.

Nærri kunning fæst við at venda sær til aðalskrivaran hjá Bíbliufelagnum, Gunnar K. Nattestad á tlf. 78 78 26.

Føroyska Bíbliufelagið – www.biblia.fo