Articon hevði lægsta tilboð

Trý tilboð komu inn at gera nýggja kirkjusalin til Sørvágs kirkju, og Articon hevði lægsta tilboð.

Nú skula tilboðini so metast.

Lisitasjón var í gjár hjá Kontrast arkitektum, sum hava mett at kirkjusalurin fer at kosta um 4,2 milliónir krónur.

Tilboðið hjá Articon ljóðaði á um 4,4 milliónir krónur.

Eisini Trøðhamar og Búsetur hava latið tilboð inn.

Kontrast arkitektar meta, at um hesa tíðina komandi ár, stendur kirkjusalurin liðugur.

Kirkjusalurin fevnir m.a. um sal til 100 sitandi, køk, goymslu, klædnagoymslu og vesir.

Vágaportalurin