ÁRSMØTIÐ ’15: "So ymisk og tó eitt

Leygardagin hevur Kirkjuliga Heimamissiónin ársmøti í Meinigheitshúsinum í Havn. Hetta er árliga tiltakið, har sjóneykan verður sett á víðfevnda arbeiðið, sum Heimamissiónin ger, í frágreiðingum, orðaskifti og kvøldmøti.

Heitið á ársmøtinum í ár er "So ymisk og tó eitt". Tí Kirkjuliga Heimamissiónin er ein breið rørsla, sum tó stendur saman um eitt høgt endamál og víðfevnt virksemi.

Dagurin byrjar við einum góðum ársmøtidrekkamunni kl. 13:30 og síðani verða árligu arbeiðsfrágreiðingarnar frá formanni, aðalskrivara og fíggjarleiðara. Áðrenn opna orðaskiftið hevur Jákup Justinussen, samskiftisfólk, upplegg um “Hvussu motivera vit tey sjálvbodnu?”
Endað verður kl. 19:30 við møti, har Øssur Kjølbro, aðalskrivari, talar um evnið “So ymisk og tó eitt” og nýggja kórið Todos syngur. Høvi verður at geva eina gávu til arbeiðið hjá Heimamissiónini.

Øll eru hjartaliga vælkomin til Ársmøtið ’15!

Kirkjuliga Heimamissiónin