Ann Hermansdóttir studentaprestur

Í dag 1. august er Ann Hermansdóttir sett sum studentaprestur á miðnáms- og yrkisskúlunum í Føroyum. Hesir eru: Glasir, Miðnám á Kambsdali, Miðnám í Suðuroy, Miðnám í Vestmanna og Tekniski skúlin í Klaksvík.

Talan er um eitt tíðaravmarkað starv í 4 ár við møguleika fyri leingjan í 2 ár.

Ann fekk útbúgving sum Cand.theol í 2007, og hevur starvast sum sóknarprestur í Suðurstreymoyar eystara prestagjaldi seinastu 15 árini.

16. juli helt Ann fráfaringargudstænastu í Havnar kirkju, og kirkjuráðið skipaði fyri samkomu eftir gudstænastuna, har heilsanir og tøkkir vóru bornar fram.

Ann Hermansdóttir, prestur og Heini Magnussen, klokkari í Havnar kirkju.

Kristianna Mortansdóttur er forkvinna í kirkjuráðnum í Havnar kirkju.

Uni Næs, dómpróstur, takkar Ann fyri tíðina í Havnar kirkju, nú hon byrjar sum studentaprestur.

Myndir: Jensjáku