Altjóða Kvinnubønardagur

Fríggjadagin 1.mars verður Altjóða Kvinnubønardagur hildin kring allan heim. Hetta er eitt felagskristiligt tiltak, har kvinnur úr 170 ymiskum londum og úr ymiskum samkomum og kirkjum koma saman í bøn.

Eisini í Føroyum verður dagurin hildin 1.mars klokkan 19.30 á hesum støðum: Evangeliiðhúsinum í Havn, Christianskirkjuni í Klaksvík, missiónshúsinum í Vestmanna og í missiónshúsinum í Vági.

Í ár hava kvinnurnar í Frankaríki lagt skránna til rættis og evnið á degnum er: ”Eg var fremmandur, og tit tóku ímóti mær”. Tiltakið er ókeypis og allar kvinnur eru hjartaliga vælkomnar.