5- ÁRA JUBILEUMSKONSERT VIÐ KÓRINUM Í CHRISTIANSKIRKJUNI.

Tann 10. januar í ár vóru 5 ár liðin, síðani Kórið í Christianskirkjuni varð stovnað.

At tørvur hevur verið á einum Kirkjukórið í Christianskirkjuni, sást beinanvegin til ta fyrstu kórvenjingina, har undirtøkan fyri at syngja í Kórinum var sera góð.

Kórið verður skipað av eini trýmannanevnd, sum er mannað av Jóhanna Johannessen, forkvinna, Kristoffer Olsen, næstformaður, og Ísak Mikladal skrivari - Kórleiðarir eru hjúnini Jóhanna Johannessen, Urguleikari í Christianskirkjuni, og Ólavur Johannessen - .

Kórið hevur havt sera stóran týdning fyri kirkjuliga tónleikin í kirkjuni, og ikki minst eisini fyri samband við onnur víðari út í heim - . Vit kunnu í hesum sambandi nevna, at Kórið hevur havt fleiri kórvitjanir úr útlondum, m.a. var eitt Kór úr Noreg á vitjan á Hvítusunnu í 2016, har bæði Kórini framførdu til gudstænastuna í Christianskirkjuni 1. Hvítusunnudag. Harafturat hevði Kórið vitjan av einum gentukórið úr Hamburg í maj í 2016, har bæði Kórini høvdu felags konsert hvør sær, og framførdu saman á týskum og føroyskum. - Og seinni í ár fær Kórið vitjan av Kóri úr Skjern í Danmark, og verður í hesum sambandi eisini skipað fyri felags konsert við báðum Kórunum.

Kórið syngur í høvuðsheitum til gudstænastur og konsertir - frá byrjan hevur Kórið luttikið saman við Klaksvíkar Hornorkestri til árligu jólakonsertina á hvørjum ári í Christianskirkjuni - .

Fleiri spennandi avbjóðingar hava verið - nevnast kann, at:

1) Kórið sang longu í 2013 til Gudstænastuna í Dómkirkjuni á Ólavsøku
2) Skipað hevur verið fyri tveimum sangferðum - ein í Íslandi á sumri 2014, har Kórið framførdi í tiltiknu Hørpuni, Hallgrímskirkjuni, og øðrum kirkjum - og í Danmark á sumri 2016, har konsertir vóru hildnar fyri fullsettum kirkjum í Gammel Rye, Vodskov, Skagen og Sæby - .

Komandi sunnukvøld, 29. januar, kl. 20.00 fer Kórið at hátíðarhalda 5-ára stovningardagin við at bjóða øllum á konsert í Christianskirkjuni, og aftaná eru øll boðin í kirkjukjallaran í føðingardag hjá kórinum til ein drekkamunn og lagkøku. Kórið fer at syngja sálmar og satsir, sum eru vandir frá byrjan, og kirkjuliðið fær høvi at syngja við til 2 sálmar - litturgur til konsertina verður Marjun Lómaklett, sum eisini hevur eina stutta andakt - .

HJARTALIGA VÆLKOMIN Á 5-ÁRA JUBILEUMSKONSERT HJÁ KÓRINUM Í CHRISTIANSKIRKJUNI SUNNUKVØLDIÐ 29. JANUAR 2017, KL. 20.00."