4 umsøkjarar til Hoyvík og Kaldbak

Suðurstreymoyar norðara prestagjald fekk í januar mánað játtan til eitt embæti afturat. Ein sóknarprestur er í prestagjaldinum. Kirkjuligi myndugleikin metti, at neyðugt var við einum embæti afturat til eitt skjótt vaksandi øki, ið tilsamans telur umleið 4.500 fólk.

Embætið varð lýst leyst at søkja, og á middegi í dag, hin 20. mars 2019, var umsóknarfreistin úti.

4 umsøkjarar eru til kallið.

Ætlanin er at innstilla komandi sóknarprestin innan tríggjar vikur.

JF